Cp值超高‼️超輕鬆就可以回本有突既日式放題‼️

如果問小妹覺得邊幾間放題比較抵食同好食⁉️我可以好肯定咁答你,荃灣個間御滿屋-定佔其中之一‼️記得上次小妹同朋友好輕鬆就已經可以食回本🤣 所以同朋友系附近夾完公仔之後,大家都好有默契咁再過去食多次🤣 我地揀左個2百零蚊位,最經濟既✨放題套餐A✨ ,呢個餐價錢唔貴､可供選擇既食物品種又唔少,已經好夠我地食! 好彩冇嚟一排,d嘢食都仲係咁高質,環境仲係咁乾淨,服務都仲係咁好,整體個cp值仲係keep得鬼咁好😆 A餐入面已經包左有77品食物可供選擇;刺身､壽司､燒物､卷物､手卷､炸物､天婦羅､煮物､鍋物等等..生熟都有;只需要掃下QR code就可以直接落單,方便得梨上菜又快💨 除左要落單先有既野食,其實門口區附近既✨飲品區✨､✨前菜區✨､✨小食區✨､✨甜品區✨入面既野食亦都系可以任攞任食既!! 等我簡單介紹多次先:👉🏻 ✨飲品區✨ 好多唔同味道唔同牌子既罐裝飲品eg:果汁､汽水､茶類飲品都好齊全,仲要連冷熱清酒､梅酒､啤酒､果汁酒都有🤟🏻全部加埋都幾十款,梗有一款啱你飲! ✨前菜區同小食區✨ 大部份沙律､中華沙律､八爪魚､炸物､例湯呢d常見嘅前菜同小食呢度都有! ✨刺身✨ 刺身嘅選擇好多,有甜蝦､油甘魚､挪威三文魚､帶子､劍魚腩､赤貝､鮑片､角螺､北寄貝､泰式生蝦､希靈魚､阿根廷大赤蝦､蟹棒､八爪魚同御 • 泰の味冷鮑魚..可以揀! 樣樣新鮮厚切又夠凍,款款叫少少已經好大碟,擺盤又夠精緻,去日本餐廳叫番盆-樣咁大盆既刺身,分分鐘仲貴過呢一餐🤪 其他輕鬆回本推介既食物仲有: ✨海膽卷✨ 海膽鮮甜又唔腥,重點嗌幾多件,就會有幾多件,啱晒我呢個海膽控😍 ✨鰻魚✨ ✨矜貴瑤柱蟹黃粥✨ 粥入面d蟹肉同瑤柱份量都好多,每一啖都食到料 ✨竹笙瑤柱蟹肉羹✨ 蟹肉又係好多,夠晒足料!😍 ✨養顏鮑汁燴花膠✨ 花膠厚身又大塊,啱晒想養顏嘅你 ✨燒羊鞍✨ 羊鞍烤到外脆內嫩,充滿焦香👍🏻,真係超香口 ✨蒜蓉燒生蠔✨ 原殼生蠔肥美飽滿又大隻,仲要超重蒜香味,必食! ✨甜品區✨ 入面有齊Tiramisu､布甸､芝士餅､紫薯奶凍､啫喱､水果..等等既大路甜點,都算幾多選擇 不過最值得一題嘅一定係個雪糕櫃,入面竟然連Haagen-Dazs ､Dryers､MOVENPICK 既雪糕都有😍;除此之外,好多其他牌子既雪糕､雪條､雪米糍亦都有得食😋 真係包羅萬有,咩味都有,一定有你鍾意嗰-款🤩 好黐線,今餐又係要飽到捧住個肚先走到🤣 @manyajapanesetw ⛩️御滿屋日本料理 📍荃灣眾安街55號大鴻輝中心10樓 #御滿屋荃灣#御満屋#御滿屋荃灣新店#任食放題#御滿屋放題# CP值超高的放題#放題好選擇#荃灣好去處#UCreator#打卡美食#好去處#打卡#夏日雙重賞